Hauptfiliale mit Café, Lyss

Südstrasse 37

Telefon 032 386 79 79

Öffnungszeiten

Montag bis Freitag	05.00 - 18.30 Uhr
Samstag	06.00 - 17.00 Uhr
Sonntag	07.00 - 17.00 Uhr

Sit letscht Summer schteit üses Müntschi ufem Dach, mir si stouz druf wie Nachbars Lumpi, wüu wär cha scho bhoupte är heig es 200 kg Müntschi ufem Dach?

Logisch, dass gits nume bi Burkhard`s.

Das Müntschi beschteit us Polyester wie bim Bootsbou. Zersch wird aber z Schoggi-Teili us Kunschtstoff gformt u när mit Glasfasere u Polyester überzoge, aschliessend wird gspachtlet u gschliffe äbe genau wie wenn me es Böötli bout. Nachdäm s d Form het gha, isch für d Folieimitation es grüscht us Maschedraht drum cho u o das het me o mit Glasfasere u Polyester gformt, när agmale und laggiert.

Dr André Gutknecht vo BONVALET`s Kunstatelier www.bonvalet-kunst.ch het vor sim Atelier ungerem ne Dächli meh aus es Jahr mit chli Ungerbrüch dran gschaffet.

Aus Vorlag füre André diene 3D Modäu, Zeichnige u i üsem Fau vili vili Müntschi 😉 D Heruseforderig sig haut äbe scho d Grössi aber är het o scho ganzi Outo oder ä Elefant i läbesgrössi aus Chinderspiuzplatz gmacht.

Vile Dank André für das sagehafte Kunschtwärch wo mie jetz ufen Dach hei.