mit Himbeer-Gomfi u chlei Mandumassä

Es war einmal vor langer, langer Zeit in einer Bäckerei....ä süessi, fröhlichi Confiseurin.

Sie het ihre Bruef mit viu Härz u Kreativität usgüebt u mit Schoggi viu Glücksmomänte für Chunde us nah u färn zouberet.

D Lideschaft u dr Ehrgiz zu ihrem Handwärch, hei sä nid la ruhiä, immer voratribe ä Troum us Schoggi ds kreiere wos so no nid git.

Ä Glücksmomänt wo immer zur Verfüegig steit zu jedere Tages-u Nachtzyt.

Söu sie äch äs Glücksplätzli mache oder äs Glücksstück...gar ä Glücksschnitte?

Äs het si Zyt brucht aber de ischs cho wies muess.

Sie het entschiede ä Chueche söus si!

Dr Chueche vo mim  URUR-Grossmueti...D Fröid isch gross u sie het klatschet u isch fröhlich uf u ab gumpet.

Nume dr  Confiseurmeischter isch nid sonderlich begeischteret gsi, het das chline Energiebündu aber la mache.

De isch äs de sowit gsi u dr erscht Chueche isch teschtet worde. »Naja» meint dr Meischter u o d Confiseurin isch o nid würklich zfride gsi.

Äs isch no ke Glücksmomänt u drum het sie witer uf ihres Talent vertrout u witer bachet ...

...mau mit me Anke, de mit me Eier, einisch mit meh Mäu....aber immer mit ärä ä Portion Tröim u ä gueti Prise Fröid.

Nach langem usprobiere ischs de wider cho wies muess u die perfekti Mischig isch glunge.

Dr Meischter hett grossi Ouge gmacht: »Jetz hesch äs gschafft!»

Vo däm Tag a isch dr Troum us Schoggi besieglet worde.

Ä durchwäg runde Glücksträffer u äs  Schoggichuechestück vom Glück.

Und wenn sie nicht gestorben sind, dann leben sie noch heute ....

u bache Schoggitröim, sueche nöi Ideene, dass aui Chunde glücklich u zfride si.

Das isch d Entstehigsgschicht vo Burkhard`s Schoggitroum ...wo sich so oder so ähnlich hett zuetrage.

Qualität für Fiinschmöcker isch scho immer üses Motto gsi u mir läbe dä Troum witer!