mir bachä mit Houz u fahre mit Strom

Bisch du bi üs z Bsuech, darf du dis Outo ganz eifach ad Stromsüüle hänke, frag eifach üsi Mitarbeiterinne, si häufe dir gärn!



mir hei es Müntschi ufem Dach!

Sit letscht Summer schteit üses Müntschi ufem Dach, mir si stouz druf wie Nachbars Lumpi, wüu wär cha scho bhoupte är heig es 200 kg Müntschi ufem Dach?Logisch, dass gits nume bi Burkhard`s.

 

Das Müntschi beschteit us Polyester wie bim Bootsbou. Zersch wird aber z Schoggi-Teili us Kunschtstoff gformt u när mit Glasfasere u Polyester überzoge, aschliessend wird gspachtlet u gschliffe äbe genau wie wenn me es Böötli bout. Nachdäm

s d Form het gha, isch für d Folieimitation es Grüscht us Maschedraht drum cho u o das het me o mit Glasfasere u Polyester gformt, när agmale und laggiert.


Dr André Gutknecht vo BONVALET`s Kunstatelier www.bonvalet-kunst.ch vor sim Atelier ungerem ne Dächli meh aus es Jahr mit chli Ungerbrüch dran gschaffet.

Aus Vorlag füre André diene 3D Modäu, Zeichnige u i üsem Fau vili vili Müntschi 😉 D Heruseforderig sig haut äbe scho d Grössi aber är het o scho ganzi Outo oder ä Elefant i läbesgrössi aus Chinderspiuzplatz gmacht.

 

 

 

Vile Dank André für das sagehafte Kunschtwärch wo mie jetz ufen Dach hei.

 



mir hei e Drive In ...

...u no viu meh.

Bim DriveIn härefahre, bschteuä und tschüss.

Parkplätz hets süsch de o gnue, ob zum Zmittagässe, hurti öpis go holä oder o füre Drahtesu, bi üs hets für jede es passends Plätzli.

 



Tourierter Teig

Aus tourieren bezeichnet me z usroue mit igschlagnigem Ziehfett und nächäär z überenangschloo vom Teig.
Dr Begriff tourieren beschribt auso z mehfache Faute vo Teigschichte, wo dür d Fettschichte derzwüsche trennt si.

Handwärch

mir wöi z traditionelle Handwärch am Läbe erhaute, wo ou immer mir das no chöi.

deu Arbeite gö hützutags eifacher mit dr Maschine, mir wöi aber nid vergässe wie mir agfange hei u wo mir häär chöme, das isch üs wichtig!

d Kordle...

 ...vom 1/2 Dotze Müntschi, isch us Kunschtside u isch biologisch abboubar.


100% natürlich

üse Brotteig wird zu 100% natürlich härgschteut- ohni Zuesatzschtoff u Bachmittu.